O parno jivoro perel,
perel pre kaľi phuvori,
o čirikle imar soven,
našoľaren,
e kukučka peskere dživesa rachinel.

Karačoňa aviľas, le jiveha
la e balvaj andžas, šil,
baro fadžo,
o cikno Ježišis andre maštaňa
pro svetos aviľas.

Pre phus, pašo bakrore,
la Mariake uľiľas,
andre maštaňa, pašo bakre,
bo le manušen sas o jile šilale.

Leskeri čercheň šukar labol, svicinel,
pre savore nipi mišlinel.
Pre savorende, pre parnende, the pre kalende.
Savore manušenge.

O kamiben del savoren, le more
the tu o jilo u de avreske pativ,
sar varekana, angomis čirla.
Sar amare phure dada andro gava.

Jekh avres kamenas, bari pativ,
romipen peske denas.
La dake, dadeske, papuske, babake,
šogoriske, borake, bibake.
Calona fameliake.

E karačoňa avel, rado tumen dikhen.
Modlinen pes kijo Del,
pale kijo leskero drom aven.
Aven savore, cikne, bare, terne, phure.
Savore jekhetene.