Romano Hangos motto
ročník 9, číslo 7
vyšlo 2007-04-16

aktuální číslo
zprávy
rozhovor
názory
anketa
přílohy
reportáž
starší čísla
redakce
odkazy
e-mail



  O čhavore sikhľon te giľavel andre khangeri

Deš čhavore khatal e rokycaňakeri khangeri sas Těšovoste paš o Mariánské Lázně pro taboris, u ode sikhľonas te giľavel, te modľinel pes the lidžal le rašaha e omša. Kada sas kisitimen le manušenca save keren Rokycaňate andre khangeri, kaj hin romano rašaj o David Dudáš. O taboris kerde le čhavorenge angle koda, kaj feder te prindžaren so hin e liturgija, sar pes kamel andre khangeri te giľavel, te sikhľol, te ministrinel the mek aver věci, save pes andre keren andre khangeri. O rašaj savo sas le čhavorenca pro taboris phendžas, kaj le Romen hin bari šanca te arakhel o drom kio Del, kajča jon leske mušinen te phundravel peskero jilo.

Te o jek kurko sikhľile o čhavore but kolestar, so hin o evangelium u sas but šukar, kaj len pal savoreste sas zoralo interesis. Oda sikhade koleha, kaj korkore bavinenas „pašie“ save kamen te sikhľol the avre čhavorenca. Akana hin suboris, savo sikhľol te giľavel andre khangeri, u jekfeder le čhajorendar hin e Marie Malíková, svake hin eňa berš. Joj džanel savore giľa, save pes giľaven paš e liturgija, u lidžal o giľavipen kolenge, save mek avke nasikhľile.
But lačho hin koda, kaj o čhavore aven sako kurko andre khangeri, u sikhaven savoro so sikhľile pro taboris. Kada, kaj le čhavoren hin interesis te avel andre khangeri hin but šukar, u amenge, le phurenge sikhaven, sar kampel te rodel o drom kio Del. Sako džanas, kaj le čhavoren mušinas te del savoro koda, so hin mekfeder, u koda so len diňa o taboris pes sikhavel, kaj sas igen lačho. Jek so mek paš kada hin but zoralo hin koda, kaj peske o čhavore feder likeren peskero romipen. Varesave giľa sikhľile te giľavel andre romani čhib, u kada zoraľarel lengero romaňi identita. Kavke o romane čhavore prindžaren o drom kio Del, u zoraľaren the peskero romipen. Vaš koda hin le Romen Rokycaňate bari bacht kolestar, kaja len hin peskeri romaňi khangeri the lengero romano rašaj.
Pre aver sera musaj te phenav, kaj o phure Roma andre khangeri naaven avke, sar phiren lengere čhavore. Kada hin bari bibacht, u kampel te phučel, sar oda čačes o Roma dikhen o pačaben andro Del. Andro khangera kaj hin o gadže o Roma naphiren, u phares lenge hin te avel the andre kajsi khangeri, kaj hin savoro romano. Kada sikhavel, kaj le Romen nane bari dzeka te avel kio Del, u phares paľis hin le Deles te mangel, kaj le Romenge te pomožinel. Pre odi bacht andre khangeri aven barča o čhavore, u ode hin te šunel lengero but šukar giľavipen.

Dezider Giňa

přečtěte si
-> Noviny ke stažení

téma

redakce
Romano Hangos/Romský hlas
vychází s podporou Ministerstva kultury ČR, vydává Společenství Romů na Moravě
Adresa redakce:
Francouzská 84, 602 00 Brno
tel.: +420 545 246 645
fax: +420 545 246 674
email: rhangos@volny.cz

vyhledávání



Radioľurnál

Radioľurnál