Baro svato džives aviľas,
savore lumakere manuša lošanen,
roven lošaha, hoj uľiľa Devleskero manuš,
o Ježišis.
Nango aviľas pre adi luma,
hoj te šigitinel savore manušenge.
Calo peskero charno dživipen
sikavelas le nipen.
Kamibnaha, jileha, pativ jekh avres delas,
sar o Del, leskero dad phendžas.
aračoňa, oda šukar džives, inepa
le manušenge pre kedva.
Jekh avres rado dikhen, jekh avreske šigitinen.
O khamoro upral dikhel, parno jivoro
amenge tele bičhavel.
Tiž pheniben: Kaj amen rado te dikhas,
jileha te gondolinas pre avreste,
kaj o barvale te den maroro le čorenge,
nasvale manušenge loš.
So hin amen pre ada svetos?
Nange uľiľam sar o Ježišis,
tiž nange meraha, nič amenca na laha,
ta kamas jekh avres.
O Del the leskero Čhavo amen rado dikhela,
u feder dživipen amen ela.