Romano Hangos motto
ročník 9, číslo 7
vyšlo 2007-04-16

aktuální číslo
zprávy
rozhovor
názory
anketa
přílohy
reportáž
starší čísla
redakce
odkazy
e-mail



  Andre Martina šaj keras baripen

Sako ko dikhel pre televiza kana džal Česko hledá superstar prindžarel maškar kole so giľaven, kaj e Martina Balogová hini but baro talentos. Simpaticko sas kadi romaňi čhaj imar anglunestar, kana pes kidenas avri kole, save džana andre „soutěž“ dijader. Akana, sar ačhile imar ča panč džene, sako užarel ko lendar džala mekdureder. La Martina hin bare šanciji, bo lakero giľavipen hin kajso lačho, kaj pes olestar sako čudaľinel. Sako giľi savi dži akana thodža, giľadža but šukares, sar bari profesionalka. Čačipen hin, kaj la o Del diňa šukar barvalo hangos, zor u joj sikľiľa te giľavel avke, kaj pes paš late našči choc ko chudel. But zoralo andre kada hin, kaj choc te o gadže džanen kaj e Martina hini romani, den la peskere hlasi, u joj džal dijader the upreder.

Kada hin vareso nevo the lačho, so avľa khatal o gadže. Jon udžanen koda so hin lačho, hjaba, kaj oda hin khatal o Roma. Čačipen hin, kaj e Martina hini andro giľavipen fantasticko, kajča sikavel pes, kaj hini le gadženge the simpaticko. Sargiľavel, dičhol pre late, kaj la nane trema, pačal peske, nakerel pestar barikani u kada savoro lake anel o hlasi save la andre „soutěž“ ispiden dijader. But pes pal late maškaro manuša vakerel, u pre odi bacht šukares. Hin the kajse, save pre late nasči dikhen angle koda, kaj hini romaňi, kajča buter hin kole, save lage den o hlasos. E Martina kerdža bari buťi koleha, kaj sikadža savo talentos hin maškar o Roma u sar amen savoren šaj el radosca kolestar, kaj amen kajso talentos hin. Mek jekhvar narokom phenav amen – le Romen the le gadžen. Paťav, kaj kada hin igen but pozitivno u te džala kavke dijader, šaj amen el vareso nevo, šukar andre amaro jekhetano dživipen, bo kavke pes šaj phundraven o vudara the aver romane talentenge. Šaj pes sikavena na ča kole so džanen mištes te giľavel, ale the kole so džanen vareso aver, kajča ňiko lendar nadžanel, bo mek nachudle peskeri šanca.
E Martina imar geľa kavke dur, kaj pes pre late našči bisterel. Lakeri šanca aviľa, u la sas bacht, kaj la mištes iľa andro vasta. Akana hini anglo but terne romane čhave sar „vzoros“. Šaj peske phenen „me kamav te dokazinel koda so e Martina.“ Kada hin zoraľi motivacija, u vaš koda kampel, kaj savore talentimen romane čhave pes mi thoven pal peskero talentos avke, sar kerdža e Martina. Akana hin šukar koda, kaj paš amaro maestro Antonín Gondolán aven o terne, save šaj džana leskere dromeha, u sikavena save dispoziciji hin andro romano nipos. Paťav, kaja akana sako kurko but Roma dikhen pre televiza, kaja te dikhen sar pes likerela e Martina, u savore lake likeras o vasta, kaja te džal andre Soutěž Česko hledá superstar so mekdijader the mekučeder. Me phenav, kaj la Martinaha imar akana šaj keras baro baripen.

Dezider Giňa

přečtěte si
-> Noviny ke stažení

téma

redakce
Romano Hangos/Romský hlas
vychází s podporou Ministerstva kultury ČR, vydává Společenství Romů na Moravě
Adresa redakce:
Francouzská 84, 602 00 Brno
tel.: +420 545 246 645
fax: +420 545 246 674
email: rhangos@volny.cz

vyhledávání



Radioľurnál

Radioľurnál