Jan Horváth
O tu kalo čirikloro ľidža mre dadeske, mira dajorake jekh ľiloro. ľidža lenge jekh duj lava, phen lenge hoj len rado dikhavas. Choc varekana len našunavas, hoj nabisterava pre lengere lava. Goďi so soman denas sar te dživel pre ada bibachtalo svetos.

Sar te kamel romano šukar lav paťiv, romipen, romaňi duma, paramisa. Miro dadoro, miri dajori imar nane, ľijas len ke peste o Del.

Devla, Devla, paľikerav tuke vaš savoro so amen des. Tu des u tu tiž les. Tu sal nekhbareder raj pre adi luma u savore džide pre tute dikhen u mangen tut.

Me tut mangav, phen mire dadeske the mira dake hoj len rado dikhavas u miro kalo jilo rovel. Rovel vaš e daj the vaš o dad. Nabisterel u paľikerel.