Romano Hangos motto
ročník 9, číslo 7
vyšlo 2007-04-16

aktuální číslo
zprávy
rozhovor
názory
anketa
přílohy
reportáž
starší čísla
redakce
odkazy
e-mail



  Komunitno centrum Rokycaňate

But buči tel trin berš pes kerdža pre khangeri Nejsvětější Trojice Rokycaňate, u kave pes kerdža čačutni khangeri angle kole, ko kamen te phirel pal o Del. But bari buči peskera famelijaha kerdža o romano rašaj David Dudáš.

E khangeri sas but berša phandli, u mušindža pes te prikerel andral the avral. Mušindža pes te odlidžal o paňi, te prikerel o fali andre the avri, te prikerel o lavici the mek but aver buča. O rašaj the kole, so leha keren e buči pes akana mukle te prikerek o kher, kaj ela e fara the komunitno centrum. Kajso than Rokycaňate but kampel. O centrum kamelas te avel kerdo anglo romane čhavore the terne. But lendar nakeren nič aver ča phiren pal o ulici, sdžan pes andro parki the paš o nadraži, u kalestar nane nič lačho. Kampel te phenel, kaj o Roma but phirde pal o le foroskere šerale, u mangenas len, kaj te pomožinen le romane čhavorenge the le ternenge. Kajča nič olestar nigda nasas. O raja le Romen šunenas, kajča šoha nič nakerde hjaba kaj džanenas hoj le romane čhavoren the le ternen nane kaj te džal u so te kerel. Akana pes angle lende kerel than, kajča naela igen baro.
Lačho hin koda, kaj pes varesostar šaj chudena. Buči pes kamel te kerel the le famelijenca. O daja the o dada šaj avena te kisitinel savoro, so pes ode kerela, u but važno hin koda, kaj te pomožinen peskere čhavenge andro sikaviben. Andro planos hin koda, kaj pes kerela dijader buči le čhavorenaca, savi lenge pomožinela anglal, sar kamena te džal andre škola. Amglo terne pes kisitinel buči, savi lenge pomožinela andre škola the andro sikaviben, u palis šaj kerena koda, so len pricirdel. O manuša khatal e khangeri the romane organizaciji phenen, kaj savoro nabirinena te kerel korkore. Andre kadi buči pes mušinena te thovel the o raja pal o uradi, organizaciji the khatal e majorita. Koda, kaja korkore keren o than hin peršo buči, kajča dijader lenca musaj te džal jekhetanes the kole aver, saven hin pozicija the zor. Situacija Rokycaňate hin komplikimen koleha, kaj ode anglo Roma nič nane, u nič pes ode le Romenca nakerel angle lengeri integracija.
O Městský úřad pes pal o Roma nathovel, andre leskere plani le Romen nakidel, andro peskro rozpočtos tiž nič naplaninel angle romani minorita. Kalestar džal avri but phari situacija, u kampel kaj o raja save hine anglune andro foros te arakhen feder pozicija paš o Roma, the kio problemi save lenge kampel te prikerel. Te le foroskere šerale ačhona paš o Roma avke sar hine, ačhola pes koda, kaj o komunitno centrum avela izolime inicijativa, savi mek zoraleder sikavela e segregacija savi hin le Romen Rokycaňate.

Dezider Giňa

přečtěte si
-> Noviny ke stažení

téma

redakce
Romano Hangos/Romský hlas
vychází s podporou Ministerstva kultury ČR, vydává Společenství Romů na Moravě
Adresa redakce:
Francouzská 84, 602 00 Brno
tel.: +420 545 246 645
fax: +420 545 246 674
email: rhangos@volny.cz

vyhledávání



Radioľurnál

Radioľurnál