Trastune benga, kavke pes vičhinel gendži, savi irindža e Ilona Ferková. Kavke kamla te sikavel pre but baro pharipen, savo hin maškar o Roma, u pre savo dopočinen but romane fameliji. O perša geblera pes maškar o Roma sikade andro dešupanč berša palal, u but manuša hine andre kada chudle talam avke, sar andro drogi.

Andre sako foros arakhaha than, kaj pes kiden o Roma. Hin oda o herni, kaj phiren o terne the o phure, terdžon paš o bedni u čhivkeren ode savore lovore, save len hin. E Ferkovo andro Bedni dikhel le Trastune bengen, bo andre lengere muja o Roma čhivkeren o podpori, viplati the savore love, save lenge aven andro vasta. Le gemblerenge šaj vakeren upre tele kaj keren namištes, kaj len nane šanca te vikhelel, u kavke kaličinen o dživipen la famelijake. O gemblera pes čačes dochudle andro vasta le Trastune bengenge, u te dochudel pes avri nane lokes. Vresave gemblera pes dochudle dži kio sudos angle koda, kaj keren varesavo bilačhipen. Jek, talam pendaberšengero Rom cholatar phagerdža o bedni angle koda, kaj prekheldža e viplata the savore love, save ila kečeň. Paš o sudos chudla podmínka the te kerel buči. E Věra Bila, sava savore džanas sar romana zpěvačka, ta joj pes pridžanel kie koda, kaj zoraha bavinel bedni. Andro bedni čhivkerdža talam savore love so chudla vaš o bašaviben, u nasas oda cikne lovore.
Kajča bari bibacht hin koda, kana andro bedni čhivkeren o love kole, kas nane buči u chuden ča o podpori. Sar pes ačhol kada, ta oda hin bari bibacht andre famelija, u maj buter kadi bibacht perel pro čhavore. Jon nabirinen te astarel le dades the la da, save andro bedni prekhelen savore love, u palis len nane pro chaben, te počinel o kher the savoro so kampel. Kada hin but zoralo bilačhipen, savo ačhol goreder the goreder, u maškar o Roma džal but berša dijader. Le Romen nane zor te astarel kada nasvalipen, savo avel avri khatal o Trastune benga, savenge pele andro vasta. Hin amen bare pharipena le drogenca la lichvaha, u le gemblerenca oda hin tiž igen phares.
Savoro kada džal drastickones andro dživipen le famelijenge, u polokes kolestar ačhol but pharo nasvalipen, saveske pes phenel chronicko. Imar adadžives hin but pares te pomožinel kolegne pre kaste kada nasvalipen pela, u palis čirleder oda džala mek phareder. Palis pre kada kampela džindžardži the komplikimen buči, sar le gembleren te sascarel.

Dezider Giňa