Romale, maj hin adaj o voľbi, materdžon pre sera, he džan te voľinel. Tumen san tiž platne občana andro ČR, tumenca pes rachinel tiž. Šaj zmeňinen peskro dživipen te dena o hlasos ola serake kaske pačan. Politicka seri hin but u tumen šaj peske kiden avri. O ODS he o ČSSD imar but has lende e zor andro vast. Hin adaj he neve poľiticka seri save džan andro voľbi terne manušenca, len kampol te thovel anglal lenge kampol te del e moca andro vast, bo o phure imar nakerna ňič. Le komunistenge mapačan aňi makamen hoj te avel oda pale, so has verekana. Geľam imar avka dur anglal kaj te bi pes kamahas te visarel pale ta džas savore andre zahuba. O komunisti imar tiž mušinen te džal ča anglal, amaro štatos hin imar andre phandlo calone svetoha, musaj te respektinel o demokraticke principi avka sar respektinel calo svetos. -gh-