But berš pes maškaro savore manuša pre amari phuv phenel co cikán, o zloděj. Andro časos kana džiďolas mro papus he dad marenas o gadže hijaba le romen he phandenas len andro stariben. Pašo komunisty nahas o roma pro da feder. Har vareko vareso čorďas minďar džanas o lurde palo Roma have has už phandle andre.

Aver muj, aver duma, aver ľikeriben,oda savoro maškaro manuša sikhavel phuj obrazis. ndre savore manuša hi varekaj chores garudo suňiben pal oda hoj so hi parno hi žužardo. Savore manuša have peskra parsunaha napasinen andro manušne meritky pes šunel phujes.

Misinavas mange hoj akanak hi proda o Roma feder. Hoj už sikhaďam le gadženge he amare feder lačhipena. Manuš kerel le romenge so lačhes, he kamel kajte o gadže dikhen pro Roma feder. Trvinel leske but berš než pes dochudel kjo oda kajte šaj vareso kerel vašo Roma, o gadže leske minďar napaťan. Najhoreder hi pro da hoj maškar amede hi but Roma have keren pre manušeste bibach. Keren pre manušeste bare pletki. Adese Roma ani nadžanen so keren. He kana pes pales sikhavel hoj pes niš nastajinďas, manuš už pal peste e doš na thovla tele. Pal akadese dumi he pletki vašo savore Roma ačhel o lačho manuš čorachano. Kjo gadže hi adeso pheniben dvakrát měř, jednou řež. Alojz Vašek